Тиилелгениң ниити херээнге ортумак өөредилге черлериниң үлүг-хуузу

Тываның информастыг технологиялар техникуму тускай шериг операциязының киржикчилеринге ийи автомашинаны дуза кылдыр дамчыткан. Ук машиналарны ооң мурнунда курсантыларны өөредиринге ажыглап турган. Техникумнуң удуртулгазы автомашиналарны 55-ки тускай даг-адыгжы бригадазының дайынчыларынга дуза кылдыр бээр деп шиитпирлээн. Автомашиналарның байдалы эки, 2004 база 2007 чылда үндүрген. Чыл санында техниктиг көрүлдени эртип турган.

Сай-Суу Ховалыг, техникумнуң директору:

- Техникумнуң коллективи тускай шериг операциязының киржикчилеринге автомашиналарны бээр деп шиитпирлээн бис. Ооң-биле боттарывыстың бичии-даа болза, үлүг-хуувусту тиилелгеге киирип турарывыс ол болур. 

Чурукту социал четкилерден алган.

https://vk.com/minobrtuva?w=wall-38636573_45389&ysclid=lzfwpf1ead673654013