Кызылга 20 дугаар чаа школа ажыттынар

Кызылдың оң талакы эриинде Вавилин ээтпээ микрорайонга 20 дугаар чаа школа ажыттынар. Ук кварталдың чаштары чурттап турар чериниң аайы-биле өөренир аргалыг апаар. Чаа школаны «Тергиин башкы» мөөрейниң тиилекчизи, арга-дуржулгалыг башкы Денис Попугалов удуртур. Уругларның сайзыралы болгаш чедиишкиннеринге таарымчалыг байдалдарны тургузары ооң хүлээлгезинче кирип турар. Амгы үеде чаа школага өөренири-биле, 895 уруг бижиттирген.  Школаны «Өөредилге» национал төлевилел ёзугаар туткан. Тываның Баштыңы Владислав Ховалыг объектиниң хыналдазын чоруткан.

https://vk.com/minobrtuva?w=wall-38636573_45911&ysclid=m0cljelfhz642135604