Барыын-Хемчик кожууннуң төп библиотеказының баарынга билдингир тыва чогаалчы Салим Сазыгович Сүрүң-оолга хөрек тураскаалды тургускан

Хөй чон чыылган байырлыг ёзулалга Дээди Хуралдың депутады Аяс Донгак киришкеш, республиканың хоойлужудулга органының Даргазы Кан-оол Давааның байырлыг чагаазын дамчыткан. «Улуг чогаалчывыс хөй чүүлдерге салым-чаяанныг кижи чораан. Ону башкы, очулдурукчу, эртемден, удуртукчу кижи деп база билир бис. Узун болгаш чогаадыкчы солун амыдыралының иштинде хөй санныг аныяк чогаалчыларның дагдыныкчызы болгаш башкызы чораан. Амгы үеде чон аразында ады-сураа алгый берген чогаалчылар аразында бодун Салим Сазыговичиниң өөреникчизи мен деп санап чоруур улус хөй» деп ында бижээн. 

Байырлыг ажыдыышкынга Дээди Хуралдың үшкү чыыжының депутады Алдын-кыс Конгар, Барыын-Хемчик кожууннуң баштыңы – Хурал даргазы Артур Ооржак биле чагырга даргазы Аян Соян олар база киришкеннер.

https://vk.com/khuraltyva?w=wall-114457376_32250&ysclid=m47827hdf1325225034