ТывКУ-нуң филология факультединде уруг чөргээр өрээл ажыттынган

Тываның күрүне университединиң филология факультединге уруг чөргээр өрээлдиң байырлыг ажыдыышкыны болган. Ону Россияның Чырыдыышкын яамызының организастааны «Аваңның өөрениринге дузалаш» федералдыг мөөрейге тиилелгениң ачызында тургускан. Чаа өрээлди чугула херек дериг-херекселдер-биле чүмээн: уруг чөргээр стол болгаш чаштарның чемин чылыдар херексел, идик-хевин солуурунга эптиг байдал дээш оон-даа өске.

Филология факультединде 100 хире ава бар: оларның аразында студентилер болгаш аныяк башкылар хөй. Факультеттиң деканы Надежда Сувандии аныяк авалар моон соңгаар таарымчалыг байдалга уруг-дарыын карактаар аргалыг дээрзин демдеглээн.

«Аныяк авалар кичээлдер аразының чапсарында азы шылгалда үезинде чаш уруг-дарыын таарымчалыг байдалга чөргеп, идик-хевин солуп, чаштың чемин чылыдып алыр аргалыг апарган. Шупту дериг-херекселдерни салган» - деп, декан демдеглээн.

Университеттиң деканы Ольга Хомушку дээди өөредилге чери чаш ажы-төлдүг студентилерге болгаш башкыларга таарымчалыг байдалдарны тургузар дээш идепкейлиг ажылдап турарын чугаалаан. Ол ышкаш аныяк авалар өөредилге биле ие хүлээлгезин деңге күүседирин хандырар сорулга салдынганын демдеглээн.

https://vk.com/wall-38636573_48577