Вы здесь

Буян Куулар: «Бүгү планнар боттанып, салдынган сорулгалар күүсеттинер дээрзинге бүзүрээр мен»

  • Вверх
    7
  • down
    7
998 просмотров

Тываның Баштыңы Владислав Ховалыгның Дээди Хуралдың депутаттарынга Айыткалында тускай шериг операциязының амгы болгаш ооң мурнунда киржикчилериниң деткимчезинче улуг кичээнгейни угландырган. Ылаңгыя, дайынчыларга, хоочуннарга болгаш оларның өг-бүле кежигүннеринге федералдыг деткимче-биле чергелештир, бо чылын күш кирер регионалдыг чаа хемчеглерни чарлаан. Владислав Ховалыг ажыл-чорудулганың бо адырында немелде дүүштүрүлге негеттинип турарын демдеглээн.

Айыткал үезинде шериг албанныглар боттары киришкеннер. Оларның аразында Россияның Маадыры Буян Куулар база бар.

- Тываның Баштыңының Дээди Хуралга чылдың-на эрттирип турары Айыткалы эки сактыышкынны арттырган. Баштың шупту яамылар, ведомстволар болгаш муниципалдыг тургузуглар кады харылзаалыг ажылдаарын кыйгырган деп, Буян Куулар чугаалаан. — Владислав Товарищайовичиниң тускай шериг операциязының киржикчилериниң болгаш оларның өг-бүлелериниң дугайында темага онза кичээнгейни угландырганы меңээ өөрүнчүг болду. Бистиң Президентивис база Дээди кол командылакчывыс Владимир Владимирович Путинниң шиитпири-биле, 2025 чыл Россияда Ада-чурт камгалакчыларының чылы кылдыр чарлаттынган. А бистер, 55-ки аңгы гвардейжи мотоадыгжы бригаданың шериг албанныглары, республикавыстың Баштыңы Владислав Товарищайовичиниң федералдыг эгелээшкинни деткип, Ада-чурт камгалакчызының чылын бистиң регионнуң деңнелинге база чарлаар деп шиитпирин деткип тур бис. Ону шын деп санаар бис, чүге дизе тускай шериг операциязынга тиилелгени чоокшуладыры, амгы үеде бүгү чурттуң кол сорулгазы апарган.

Айыткал, мооң мурнунда ышкаш, үре-түңнелдиг болур деп санаар мен: ажылдаар чүүлдерни айтып, яамыларга болгаш аңгы-аңгы структураларның удуртукчуларынга даалгаларны тода болгаш чедингир кылдыр тургускан. Бөгүн чарлаан шупту планнар күүсеттинер, сорулгалар чедип алдынар дээрзинге бүзүрээр мен. https://rtyva.ru/press/tuva-news/3561/

 
 

Подписывайтесь на наш Telegram-канал