Вы здесь
Шагааның бүдүү айында шажынчы школа ажыттынган
03.02.2025, 21:27 600 просмотров
Уруглар садтарында, техникумнарда болгаш дээди өөредилге черлеринде анык-өскенниң мөзү-шынар кижизидилгези кол черни ээлеп турар. Немелде өөредилге программаларының иштинде уругларга езу-чаңчылдар, амыдыралда ниити үнелелдер дугайында билиглерни бээри чугула. Аңаа шынчы чорук, ынакшыл, бот-боттарынга эвилең-ээлдек хамаарылга, езу-чаңчылдарны сагыыры дээш шупту шажын өөредиглериниң үндезин-дөзү хамааржыр. Тываның девискээринде ук ажыл сарыг шажынның база православ чүдүлгениң талазындан чоруттунуп турар.
«Тываның Өөредилге яамызы «ТУБТЕН ШЕДРУБ ЛИНГ» төп буддисчи хүрээде шажын школазының ажыл-чорудулгазының чөпшээрелин алган болгаш, уругларга база улуг-даа улуска немелде өөредилге программазын боттандырар. Ол дээрге сарыг шажын Өөредииниң мөзү-бүдүш культуразының хөгжүлдези, мөзү-шынарның кол билиглери, ооң амыдыралда нормалары болгаш үнелелдери болур.
Ол ышкаш Кызылдың Епархиязы-биле кады ажылдажылганы чорудуп турар бис. Бо хүнде орус база тыва дылдарда чырыдыышкын литературазын республиканың школаларынга Кызылдың Епархиязының Викарийи, епископ Туранский Ермоген дамчыткан. Чыл санында Кызылдың Епархиязы-биле кады «Башкының мөзү-бүдүштүг маадырлыг чоруу дээш» деп башкылар аразының мөөрейин эрттирип турар бис» - деп, сайыт Ренат Ооржак демдеглээн.