«КЭС-БАСКЕТ»: регионнуң школачылары шыырак белеткелдиг

Тываның өөредилге сайыдының хүлээлгезин күүседип турар Ренат Ооржак он чыл бурунгаар ырак-узак Донецкиден Тываже ажылдап чедип келген башкы Артём Николаевич Узденёв-биле ужурашкан.  «Он чыл бурунгаар Донецкиден Тываже ажылдап чедип келген, амгы үеде республиканың лицейинде башкы Артём Николаевич Узденёв-биле ужураштым. Ол – дээди категорияның башкызы, «КЭС-БАСКЕТ» ниити-российжи Школачыларның Баскетбол Лигазының Чемпионадының Тыва Республикада төлээзи. Артем Николаевичиниң удуртулгазы-биле ук угланыышкын Тывада чедиишкинниг сайзырап турар. «КЭС-Баскет» маргылдааларынга бистиң өөреникчилеривис 12 сезон улаштыр киришкен. Чемпионаттың регион-киржикчи бүрүзүнден шыырак командалар илерээр. Тиилекчилер болгаш призёрлар кубоктар, медальдар, дипломнарга төлептиг болуп, чемпионаттың дараазында чадазынга киржир путевканы алырлар. Бо чылын Сибирь федералдыг округка Тываны Кызыл-Мажалык болгаш Кызыл хоорайның 17 дугаар школазындан оолдар, уруглар төлээлээр. Олар бедик спортчу белеткелди болгаш тергиин команда оюнун көргүскеннер» - деп, Ренат Ооржак демдеглээн.

https://vk.com/wall-38636573_49365