Тускай шериг операциязының хоочуннары болгаш киржикчилери!

Эрес Хуурак: Тываның Баштыңы Владислав Ховалыг Тыва Республиканың Дээди Хуралынга бодунуң Айыткалын берип тура,  «Маадырларның үези» федералдыг программаны деткип,  тускай шериг операциязының хоочуннарынга болгаш киржикчилеринге  «Тываның Маадырлары» регионалдыг программаны ажылдап кылыр  даалганы берген турган. Ол ам амыдыралда боттанып эгелээн.

Дээди Хуралының депутаттары «Тываның маадырлары» деп чаа кадрлар төлевилелин деткип, тускай шериг операциязының киржикчилери болгаш хоочуннары-биле чоокта чаа ужурашкан. «Тываның Маадырлары» деп чаа республика программазы Президентиниң «Маадырларның үези» программазы-биле дөмей негелделерни кордакчыларга салган. Ындыг болзажок регион программазының Президент төлевилелинден ылгалы – ортумак тускай эртемниг дайынчыларывыс база аңаа киржип болуру. Россияның улус ажыл-агыйы болгаш  күрүне албанының академиязы Тываның күрүне университеди-биле кады өөредилгени Кызыл хоорайга организастап эрттирери ооң киржикчилеринге эптиг. Ынчангаш тускай шериг операциязының хоочуннарынга болгаш киржикчилеринге тургускан эптиг болгаш таарымчалыг арганы эрттирбейн, чаа программаның шилилдезинге киржип, боттарыңар күжүңерни ам база катап шенээриңерже кыйгырдым.

Бо айтырыг Силерни сонуургадып турар болза, rsv.ru/ шөлүгже киргеш, project.rsv.ru/geroi_tuvy сайтыны ажыдып алгаш, улаштыр ГЕРОИТУВЫ.РФ сайтыга бүрүткелди эртип алыңаарны сүмеледим.

https://vk.com/wall-114457376_33342