Өг-бүле, шынчы чорук база ынакшыл хүнүнде Тывадан төөгү башкызы Тенгиз Ондарның өг-бүлези Москвага куда-дой фестивалынга бадыланчыр

Июль 8-те Өг-бүле, шынчы чорук база ынакшыл хүнүнде Тывадан Тенгиз Ондар биле Маргарита Эренчин Бүгү-россияның куда-дой фестивалынга киржип, өг-бүле тутканының херечилелин ап, байырлыг байдалга бадыланчыр.   «Россия. Чүректерни доңнаштырбышаан» II Бүгү-россияның куда-дой фестивалы «Россия» Национал төпке июль 8-тен 10-га чедир үргүлчүлээр. 

Тенгиз Ондар биле Маргарита Эренчин 17 чыл бурунгаар Кызыл хоорайның 1 дугаар школазынга таныжып алганнар. Маргарита школачыларга фотосинтез дугайында тайылбырлап, а Тенгиз Куликов тулчуушкунун өөредип турган. 

Бо үеге чедир олар мергежээн специалистер апарган. Тенгиз школада төөгү башкызы болуп ажылдавышаан. Ада-чурт төп музейиниң Хүндүлел бижии база Кызыл хоорайның мэриязының Хүндүлел бижии-биле шаңнаткан. Маргарита Тыва Республиканың Чазааның оралакчы даргазының секретариадында консультант кылдыр ажылдап чоруур. Ол база янзы-бүрү шаңналдарның эдилекчизи. 

Аныяктар чүгле мергежилиниң аайы-биле чедиишкиннерлиг эвес, а бо чылдар иштинде чараш чүүлдү эскерип, бот-боттарын сөс чокка билчип, кезээде эгин кожа чоруурлар. 

«Россия. Чүректерни доңнаштырбышаан» II Бүгү-россияның куда-дой фестивалы июль 10-га чедир үргүлчүлээрин сагындыраал. Ооң программазынче өөредиглиг экскурсиялар, мастер-класстар, делгелгелер, лекциялар кирген. Фестиваль үезинде куда-дой езулалдары таварыштыр Россияның чоннарының байлак культуразы илереттинер. 

Чурукту социал четкилерден алган.

https://vk.com/wall-38636573_51658