Вы здесь
"Тевектиң күчүтени"
Новое на сайте
Подписывайтесь на наш Telegram-канал! 
Тевектээр оюн чүс-чүс чылдар бурунгаар тыптып келген болгаш бодунуң тыптып келген үезиниң иштинде чоннуң, эң ылаңгыя аныяк улустуң сонуургалын оттуруптар, хандыкшылдыг оюннарның бирээзи.
Тыва чоннуң салгалдан салгал дамчып келген кайгамчык оюнун амгы үеде бодунуң аваангыр-кашпагай, шиңгээдип алган арга-дуржулгазы-биле чон аразында нептередип, сайзырадып чоруур кижилерниң бирээзи - Барыын-Хемчик кожууннуң Аксы-Барлык суурнуң төлээзи Хомушку Отчугаш. Ол чүгле республика чергелиг Шагаа оюннарының тиилекчизи эвес, а 2020 чылда бурят чоннуң «Алтан-Мундарга» деп национал байырлалының тевек оюнунга чемпиону. База ол ышкаш 2023 чылда Тыва үндезин культура төвүнге Шагаа таварыштыр болуп эрткен тевек оюнунуң тиилекчизи. Оон-даа көвей санны тептер аргалыг турган-даа болза, тевекчи 2023 чылдың санынга чедир доктааган. Тевек оюнунга Хомушку Отчугаштың эң хөй саны 3346 чедир четкен.
Өске чоннарның мөөрейлеринге Тываның адын бедик деңнелге тудуп чоруур тевек оюнунуң тергиин ойнакчызынга, нептередикчизинге, Барыын-Хемчик кожууннуң төлептиг оглунга К.Б. Ондар аттыг тыва улустуң езу-чаңчылдарының, аас чогаал болгаш ус-шеверлер төвү Хомушку Отчугашка Барыын-Хемчик кожууннуң 100 чыл ою таварыштыр “Тевектиң күчүтени” деп бедик атты тывыскан.
Тыва үндезин культура төвү шак мындыг бедик аттарны күрүне эрге-дужаалынга чада аайы-биле деңнеп, тевек оюнун калбаа-биле сайзырадып база шыырак тевекчилерни деткиир чымыштыг ажылды чорудуп эгелээн. https://vk.com/wall-64833533_27908