«Тываның маадырлары» кадрлар программазынче шилилге төнчү чадазынга чоокшулаан
21.05.2025, 14:54 1344 просмотраТываның Чазаанга «Тываның маадырлары» регионалдыг кадрлар программазын күүседир талазы-биле оргкомитеттиң хуралы болуп эрттирген. Программаның конкурстуг шилилдезиниң күүселдезин болгаш онлайн-тестилерниң түңнелдерин, ол ышкаш мөөрейниң киржикчилери-биле амы-хууда чугаалажылганы организастаарын аңаа сайгарган. Шилилдеге киришкен 600 хире мөөрейжилерниң аразындан чүгле 30 кижини өөренир эргени алыр.