Вы здесь
Чайның башкы айы Сака Даваа азы муңнуң айы. Ыдыктыг ай бо чылдың май16-дан июнь 13-ке чедер
06.05.2018, 19:45 2003 просмотраОл ай буянныг үүле-херектиң эн кол үези кылдыр санатынып турар. Чүге дизе 1-де Будда Шакьямуни бурганың арыг оран Тушитадан 5 чаагай демдектер-биле шиметинген ак хүл дег 6 азыглыг чаан кылдыр хуулуп алгаш, чер бойдустуг хой чылының ортаа айының 15-тиң чаазында авазы Махамайяның уруг савазынче кирген хүнү, оон демир бойдустуг мечи чылының чайнын башкы айының 15 чаазында Лумбиниң сесерлиинге бодараан хунну. 2-де ыяш бойдустуг аът чылының чайның башкы айының 15 чаазында бодхи ыяжының адаанга чайгылыыш чок бүдээлге саадап олурупкаш, долу оттуушкунуң деңлелинге четкен хүннү. 3-те, демир улу чылының чайның башкы айынын 15-тин чаазында Кушинагар хоорайче чаларааш Сала деп ыяштарлыг сесерлигтиң ортузунга бөдүүн кижи ышкаш ийленип чыдып алгаш, Шравака Махакашьяпага «кылдынган-на чүүл бүрүзү мөңге эвес, шупту чүвениң алыс-бойдузу куруг шыннар, нугулдуг-ле чүүл бүрүзү човулаң, човулаңны ажып эртери аас-кежик» деп сөөлгү доктаал өөредиин дамчыткаш, арыг шыннар Дхармадхатаже чаларай берген хүннү. Шак ындыг 3 улуг байырлалдар 1айда таваржы бергени биле Сака Даваа айы тускай анаа эвес, айыс күштүг,онзагай байлак, ыдыктыг ай болуп турары ол.
Ынчангаш бо айда чүг-ле эки-буянныг ажыл-херек кылып, арыг сагыш-сеткилдиг болуру чугула!
Камбы-Лама Эргелели