Улуг харлыг, хат-шуурганныг, тос-тостуӊ соок үезинде малчыннарныӊ чымыштыг ажыл-ижи берге байдалга келир

Улуг харлыг, хат-шуурганныг, тос-тостуӊ соок үезинде малчыннарныӊ чымыштыг ажыл-ижи берге байдалга келир. Хөртүктей чаап турар хар малчыннарның аргыжарынга, сиген-ширбиил сөөртүп алырынга, мал оъткарарынга база шаптараазыннарны тургускан. Чамдык малчыннар далбый тыртып, арга-хоргазын көрүп турар.

Арыскан сумузунуң “Аныяк өг-бүлеге кыштаг” төлевилелдиң 2021 чылда киржикчилери, аныяк малчын Аян Кыргыстың кыштаанче оруу хөртүктелгеш, аргыжары бергедээн. Бо хүн Арыскан суму чагыргазының коллективи, "Чаңгыс демниг Россия" партияның волонтерлары демин кадып, аныяк малчынның кыштагже оруун хүүректер-биле хөртүк харын аштажып, 5 дүрүг сигенин аалынга чедирип алыры-биле ачы-дузазын чедиргеннер.  https://t.me/news_tuvmo/1215