«Өгбелерниң чагыы-биле» деп профилактиктиг акция эгелээн

Шагаа байырлалының Бүдүү айында азы Ак айында Тываның ортумак профессионал өөредилге албан черлеринде «По велению предков. Өгбелерниң чагыы-биле» деп профилактиктиг акция ажылын эгелээн. 

Ук хемчег республиканың техникумнар, колледжтериниң сургуулдарының база оларның аразында кем-херек үүлгедиишкиннерин болдурбазы-биле, мөзү-шынар сайзыралынче угланган. Сургуулдар акцияга киржип тура, боттарының мөзү-шынар талазы-биле алдынып билирин хайгаарап турар - хүндүткелди, алдар-хүндүнү болгаш улуг улусту дыңнаары; бодунуң чурттап орар бажыңын аштап арыглаары база ыдыктаары; Шагаа байырлалында аъш-чем белеткээри-биле төрелдеринге дузалажыры; сагыш-сеткил арыглаашкыны болур, чүге дизе Ак айда кылган ажыл-чорудулга, үүле-херек база бодалдар, эки-даа, багай-даа, хөй катап көвүдээр.

Ук акцияның иштинде медээлиг буклеттер үлээри көрдүнген.

Чурукту архивтен алган.

https://vk.com/minobrtuva?w=wall-38636573_40748&ysclid=lr7ys0mmse116385008