Вы здесь

Депутат Сергей Куулар Хандагайтыга доозукчулар спартакиадазын эрттиришкен

  • Вверх
    10
  • down
    9
771 просмотр

Апрель 6-да Хандагайты школазының аңгы-аңгы чылдарда доозукчуларының аразында чаңчыл болган спартакиада болган. Спортчу оюннарның эгелекчизи болгаш чыл санында организакчыларының бирээзи ТР-ниң Дээди Хуралының депутады Сергей Куулар. Ол бо удаа база киришкеш, спартакиаданың киржикчилеринге ТР-ниң Дээди Хуралының Даргазы Кан-оол Давааның байыр чедириишкинин дамчыткан. 

«Силерниң эрттирип турарыңар бо спартакиада Өвүр кожууннуң спортчу амыдыралында төлептиг черни ээлеп турар. Ол тус черге массалыг спортту нептередиринге улуг идиг берип турар дээрзинде чигзиниг чок. Чылдан чылче бо маргылдаага сонуургал улгадып орар. Спартакиада, а ол ышкаш төрээн школанар чүгле спортчу оюннар эвес, а хөй санныг доозукчулар аразында чылыг ужуражылгаларның, чырык сактыышкыннарның база чери болу берген. Силер бүгүдеге чараш, чидиг оюннарны, чайынналчак тиилелгелерни, оюн-баштактыг ужуражылгаларны, бедик хөөннү болгаш үнелиг медальдарны күзедивис!» - деп, Кан-оол Даваа бижээн. 

Сергей Кууларның чугаазы-биле алырга, спартакиада мурнунда чылдарда ышкаш, бедик деңнелге эрткен.

https://vk.com/khuraltyva?w=wall-114457376_30298&ysclid=lutlh05nza760687055

Подписывайтесь на наш Telegram-канал