Вы здесь

Ээлчеглиг Иелер шуулганы Чөөн-Хемчик кожуунга эрткен

  • Вверх
    10
  • down
    9
570 просмотров

Чөөн-Хемчик кожууннуң төвү Чадаана хоорайга Тываның Иелериниң VI шуулганы «Буянны ынак сеткил-биле кыл» деп девиз-биле апрель 12-де болуп эрткен. Байырлыг хуралга Дээди Хуралдың Аграр политика, чер, эт-хөреңги харылзааларының болгаш экология талазы-биле хораазының даргазы Байбек Монгуш киришкен. Ол шуулганның киржикчилеринге тыва парламентиниң мурнундан байыр чедиргеш, шаңналдар тывыскан. Макталдарга тускай шериг операция киржикчилеринге ачы-дуза чедирилгезинге шылгараан чурттакчылар төлептиг болган. Бо чылгы Шуулганны тускай шериг операцияда оолдары азы өөнүң ээзи киржип, Ада-чуртун камгалажып турар дайынчыларывыстың, аңаа амы-тынын берген маадырларывыстың ада-иелеринге тураскааткан болгаш, оларны колдады чалаан турган. Бо хемчегге Чөөн-Хемчик кожууннуң болгаш Чадаана хоорайның удуртукчулары, хөй-ниити организациялары база ажылчын коллективтер идепкейлиг киришкен.  Чер-черлерде бо чылгы шуулганнар Дээди Хуралдың деткимче хайгааралы-биле эртип турар.

https://vk.com/khuraltyva?w=wall-114457376_30347&ysclid=luzcatk169643663795

 

Теги: 

Подписывайтесь на наш Telegram-канал