Вы здесь
Дээди Хурал Бүгү-российжи субботникке каттышкан
22.04.2023, 23:27 841 просмотрБөгүн Дээди Хуралдың депутаттары болгаш Аппарадының ажылдакчылары Тываның парламентизиниң Даргазы Кан-оол Давааның удуртулгазы-биле быжыглаан девискээрни – Национал парктың эрик чоогу черни боктан аштап арыглаан.
Тываның парламентизи бо девискээрни өйлеп-өйлеп аштап турза-даа, чалгаа кижилерниң ачызында, шоодайлар ол санында бок-биле дола бээр болуп турар. Ынчангаш Дээди Хурал чурттакчыларны бойдуска камныг болурун болгаш бок октавазын база катап кыйгырып тур.
Дүүн Дээди Хурал апрель 28-те ажыттынар «Тубтен Шедруб Линг» хүрээниң девискээринге база субботник эрттирген.
Тудуг ажылдарының соонда чаа хүрээниң судурлуг хүртүлерин болгаш сандайларын чугган. Бо хонуктарда Тываның хөй-хөй ажылчын коллективтери хүрээ девискээриниң ашталгазынга дузалажып турарын демдеглеп каалыңар. Шак ынчалдыр республиканың чурттакчылары XIV Далай-Ламаның айызаан хүрээзиниң чаагайжыдылгазынче бодунуң үлүг-хуузун киирип турарлар.