Глава Тувы наведался к шаманам

Из блога главы Тувы Шолбана Кара-оола:

«Тува - территория древних обычаев и традиций. Мы стараемся жить по пути, определенному нашими предками. Особое место в душе у кочевников занимает поклонение духам земли, бережливое отношение к истокам. Магнитом притяжения Тувы являются таинства шаманизма. Сегодня я держал совет с обществом шаманов. Мы договорились начать проектировать Юрту приема шаманов. 

Бистиң чоннуң база бир эрте-бурунгу эртинези-хам-чаяан чүдүлгези дээрзин билир бис. Ынчангаш чонувус өөрүшкүде-даа, кажыыдалда-даа, аарып-аржый-даа бергеш, үүле-херек чогударда-даа, узун орук үнерде-даа хамнарны хооп аар чораан, чоруур болгаш ол чаңчылывыс күштүг бооп артар дээрзинге бүзүрээр мен. Тываларның хамнарга-даа, ламаларга-даа деңге чүдүп чоруурун өске черден келген улус сонуургап турарын чеже-даа дыңнаан, көрген мен.

Чуртувусче хөй туристерниң болгаш өске-даа улустуң кээп турар база бир улуг сонуургалы-күштүг хамнарывыста. Ынчангаш ам чаа "Адыг Ээрен" хамнар ниитилелиниң карам көрнүр салым-чаянныглары-биле ужуражып чордум. Черле хоорайывыстың ортузунга хамнар төвүн тудуп, аңаа улустар хүлээп алыр тускай черни тудуп аар күзелим барын чугааладым. Шыдаар шаавыс-биле кызыдып тургаш ону чоокку үеде боттандырып алырын кызыдарымны аазадым.

Хамнарның талазындан база дуза дилеп, төп кандыг турарын сүмележип тургаш кады кылырын диледим. Тускай хамнар төвүн ажыдып алгаш, чондан өргүл хевирлиг езулал кылып бергени дээш төлевилелин эмин эртир аартатпайн көөрүн диледим. Даштыкыдан, иштикиден кээп турар аалчыларның дириг боттарын көрүксээр, салым-чолун айтырып алыксаар, салым-чаянныг хамнарывыс-биле ужурашкаш улуг үүле-херекти кылырын дугуржуп, сеткилден билчип алганывыс эки болду. Ажыл-херээвис чогуур-ла болзунам!»